Vawiin khan Kolasib District chhunga inthlanpui lo awm tura duty tura ruat Static Surveillance Team te leh Flying Squad member zawng zawng te chu DC Office Kolasib ah Final briefing pek an ni.

Serlui, Kolasib leh Tuirial A/Constituency a duty turte hi an duty huna an team leader theuhte leh an team kawppui tur zawng zawngte nen he hunah hian rem fel an ni a. An hriat tur ang thil tul te Pi K. Vanlalruati, SDO (S) leh Pu MS Dawngkima, Addl. SP ten hrilhin an hriat duhte zawhna hun leh hrilhfiahna hunte neih nghal a ni.

DC Pu R. Lalramnghaka chuan Inthlan felfai a awm theihna turin ECI hi a duhtui hle a. Mizoramah chuan state dangte angin Goonda leh tharum thawhna te hluar velo mahse langsar lova sum lengvak a tam tho thin avangin heng Static Surveillance team leh Flying Squad tehi ECI chuan a duang a. Heta duty turte pawh hi uluk taka thlan chhuahte in ni a. Chuvangin boruak tha leh muanawm tak kan neih a thil diklo leh puanhnuai thil a awmlohna turin in duty uluk takin ti ang che u, a ti a ni.