Vawiin chawhma dar 10 : 00 khan ‘Green Mizoram Day-2015’ puala inkhawm tawi chu Chief Executive Member, M.A.D.C. Bungalow Complex Saiha-ah  neih a ni.

He Ni hmanna inkhawm hi Pu N.Chakhai, Additional Deputy Commissioner, Saiha District, Saiha chuan a kaihruaia Pu RT Zachono, CEM, MADC chu khuallian ani. Thu sawiin khuallian chuan Thing leh Mau te hi Insakna hmanrua atan chauha tangkai an nilova mihring ten kan mamawh ber kan nunna hnar boruak thianghlim min petu te an ni tiin kan tan an hlu ani ati a, ram kan tih chereu zel hian natna hrik tam tak pawh a siam chhuak bawk ani ati. Pathian in mihring te enkawl tura a siam te an ni tiin Mizoram sawrkar mai nilovin District Council sawrkar pawh in thing leh mau te humhalh hi a tum tlat a ni a ti bawk. MADC huam chhungah chuan Lo leh Huan hal chungchang ah MADC a Forest Department te thuneihna pek an ni a, kan ram hi kangmei laka kan humhim bakah kan Luia nungchate pawh kan humhalh tur ani a ti bawk. Faina lamah pawh District chhungah theihtawp chhuaha hmalak anih thu sawiin hemi kawngah hian mitinte tawiawmna a ngen nghal bawk a ni.

He Ni hmanna-ah hian khawpui chhung kawngpui dung ah te Department ten chanpual hrang hrang insem in Thingtiak te hi an phun a, department hrang hrang ten an Department Compound chhungah Thingtiak an phun bawk a ni. Saiha khawpui pawn kawngpui dungah MADC Staff ten Thingtiak thahnem tak an phun bakah phun tawhsa hungthat hna te an thawk nghal bawk a ni.

Saiha District chhunga mahni ramchhung kangmei laka venghim tha khua te hnenah lawmman pek a ni a,chung khua te chu Pakhatna-Lungbun Rs 1,00,000/-Pahnihna- Laki Rs 70,000/- leh pathumna-Chakhang Rs 30,000/- te an ni. Lawmman te hi State Level Fire Prevention Committee te pek niin tangkafai bakah thuziak a kengtel vek bawk a ni. Heng lawmman te hi Pu RT Zachono CEM, MADC chuan a sem a, CEM chuan CEM Bungalow tualah Thing a phun nghal bawk a ni.