Vawiin tlai khan khan Dr. V.K. Bahuguna, Director General, Indian Council of Forestry Research and Education (ICFRE), Dehradun chuan Mizoram University a tlawh a. MZU Vice – Chancellor Prof. R. Lalthantluanga hovin zirtirtu leh Research Scholar ten amah lo lawmna programme an buatsaih a, inkawm hona an nei a ni. Amah lo lawmna thu sawiin Prof. R. Lalthantluanga chuan Dr. V.K. Bahuguna in Mizoram University a tlawh chu lawmawm a tih thu sawiin zirtirtu leh zirlaite nena an inkawm hona chuan rah tha tak a chhuah ngei a beisei tih a sawi ani. He hunah hian Prof. H. Lalramnghinglova leh Dr. F. Lalnunmawia te buatsaih mi thiam hrang hrangte research paper ziah lakkhawm a bu a siam ‘Forest Resources of Mizoram’ tih lehkhabu chu Dr. V.K. Bahuguna hian a tlangzarh a a ni.

Hei bakah hian Dr. Lalchhuanawma leh Prof. H. Lalramnghinglova te lehkhabu ziah “Plants of Mizoram University Campus” chu Prof. R. Lalthantluanga MZU VC in a tlangzarh bawk a ni.