World Forestry Day hi kum tinin March 21 ah khawvel mipui vantlangin ramngaw pawimawhna leh tangkaina hrang hrang kan hriat thar lehna ni atan leh ramngaw humhalh tura tan lak tulzia inzirtirna ni atan hman thin a ni.

Mizoramah pawh he hun hi kawng hrang hrangin hman thin a ni a, kumin ah pawh hian a hnuaia mi ang hian hman tum a ni.

*    World Forestry Day puala Pu H. Rohluna, Hon’ble Minister Evironment & Forests Department thuchah Audio leh Visual Media ah tihchhuah a ni ang.

*    He ni pual hian 19th - 21st March, 2012 chhungin 3 days training on “Introduction to Nature Photography” Environment & Forests Conference Hall, Tuikhuahtlang ah buatsaih a ni ang.  He Training hi 19th March, 2012 zing dar 10:00 ah Pu H. Rohluna,Hon’ble Minister Evironment & Forests Department in a hawng dawn a ni.  Pachhunga University College, Mizoram University leh Govt. Zirtiri Residential Science College atanga zirlai thlan bik ten he training hi an nei ang a, mi thiamten zirtirna an pe ang.  World Forestry Day ni 21 March, 2012 ah trainees te leh zirlai thahnem takin Rescue Centre, Sihphir ah Nature trip an nei ang a, environment humhalh pawimawhzia zir chungin practical a thlalak an zir dawn a ni.

*    He ni pual hian Open Article Writing Competition buatsaih a ni a, mi thahnem takin article an ziak a, hun remchang hmasa berah result tihchhuah tum a ni.

*    Aizawl khawpui hmun ualau laiah ramngaw humhalh pawimawhzia inzirtirna thu ziak tar a ni ang.