Vawiin zing dar 7:00 khan Lunglei DC Pu Ashish Madhaarao More chuan Mizofed kawt, Venglai-ah 'Swachh Bharat Mission (Urban) Cleanliness Week 2015' a hawng.

Faina Hapta hawnna inkhawm Lunglei DUDO Pu Albert Vanlalliantluanga, kaihhruaiah DC Pu Ashish More chuan thusawiin India Hnampa Mahatma Gandhi piancham puala 'Faina Hapta' kan hman hi thinlung takin hmang theuh ila; kan veng, khua leh chenna te hi thianghlim leh fai taka kan enkawl tur a ni, a ti. Thangthar chho zel turte thinglungah fai leh thianghlim duhna tuh tur chuan nu leh pa te an pawimawh a, fate fai zirtir theuh tur kan ni, a ti bawk. Faina Hapta chhung chauh nilovin kumtluanin kan fai tur a ni a; a bik takin thingtlang aiin khawpui hi a bal zawk a, a chhan chu mihring cheng an tam vang leh sumdaw na hmun a nih avangin fainaah lamah tanlak zual a ngai a ni, a ti. Mitin ten faina kawngah hmala tur hian mawh kan phur theuh a ni tih hre reng turin kalkhawte a chah.

Faina Hapta hawnna inkhawm neih zawh kalkhawmte chuan khawlai phiah faina an neih a ni.

Attachment

  • Loading attachment...