Vawiin chawhma dar 10:00 khan Lunglei khawpui chhunga autorickshaw khalhtute tana buatsaih lirthei khalh chungchanga dan leh hrai inzirtirna hun “Traffic Awareness Campaign” chu Superintendent of Police, Lunglei District buatsaihin SP Office Conference Hall, Lunglei-ah hawn a ni a. Pu Thanmawia Chawngthu MPS (Rtd) chuan khuallian niin a hmanpui.

Pu Thanmawia Chawngthu chuan thu sawiin Lunglei khawpui thang zelah lirthei a pung a, kawngpui erawh a zauh belh chuang si lova, chuvangin mitinte hian traffic kaihhnawiha dan leh hrai zawm that a tul a ni,a ti a. Autorickshaw khalhtute chu mipui mimir tan an tangkai hle tiin an tangkai lehzual theih nan traffic-a thawktute nen inpui tawna, dan leh hrai chungchang an zirchhuahte tha taka an zawm ngei a beisei thu a sawi a ni.

Pu Lalthafamkima Jongte, MPS, Superintendent of Police, Lunglei kaihhruaia Traffic Awareness Campaign hawnna programme ah hian Police hotute, DIPRO Lunglei leh Lunglei Autorickshaw driver mi 300 chuang an tel a. Pu Lalthafamkima Jongte, SP Lunglei leh Pu C. Lalruaia, MPS, Commandant, 2nd Battalion MAP ten traffic chungchanga ngaih pawimawh an neih te an sawi bawk.

Traffic Awareness Campaign-hi ni 4 chhung awh tura ruahman a ni a. A hnuaia tarlan ang hian Lunglei khawpui chhunga Auto Stand hrang hrang driver-te training pek an ni ang:

Sl No

DATE

STAND KAL TURTE

1

25/09/2017
  1. AOC Stand
  2. Faith Hospital stand
  3. Civil Hospital Stand

2

26/09/2017
  1. SBI Bazar Stand
  2. Super Market Stand
  3. Tlabung peng Stand

3

27/09/2017
  1. SP Stand
  2. Agent Lane Stand
  3. Ramthar kawnghnuai Stand

4

28/09/2017
  1. Mizofed Stand
  2. Electric Veng Stand
  3. Bawka Point Stand

 

 

 

Attachment

  • Loading attachment...