Vawiin chawhnu khan Government Higher Secondary School, Lunglei ah National Programme For Prevention And Control Of Deafness (NPPCD) buatsaihin world Day of The Deaf hman a ni.

PuLaltanpuia, Government Higher Secondary School Lunglei chuan inkhawm kaihruai in, Pi Lalnunzawmi Zadeng, hearing Instructor (NPPCD) chuan Khawvel ah bengngawng maktaduai 360 an awm a, hei hi Khawvel mihring cheng 5.3% vel a ni a, bengngawng an tlem theih nan Mizoram ah kum 2014 atangin NPPCD hman tan a ni a, Siaha leh Lawngtlai District tih lohvah chuan District paruk(6) ah changtlung takin Civil Hospital ah doctor leh thawktu ten an kalpui mek a ni, a ti. Lunglei Civil Hospital-ah beng pawn enna leh beng chhung enna khawl tha tak neih niin NPPCD hi kum thum (3) chhung kalpui tawh a ni a, a bik takin naupang aiin kum upa lampang in beng in entir an tam thu a sawi.

Dr.Lalsanglura, Medical Officer (NPPCD) in beng pawn leh beng chhung enkawl dan leh Zothanmawii Chhangte, Audiometric Assistant (NPPCD) in ri hriat theih dan te powerpoint presentation hmangin zirtirna an pe a, zawhna leh chhanna hun  zirtirtute leh zirlaite nen an nei a ni.