Nimin khan Pu Bhupesh Chaudhary, Chairman District Disaster Management Authority/District Bawrhsap ni bawk chuan tunhnai ruahsur in tuilian a thlen avanga chhiatna tawk Zawlnuam khua chu tlawhin harsatna thlenna hmuna hmalakna te a hmunah enfiah.

Heng chhiatna hrang hrang thlenna hmuna ah te hian BDO leh NGO leh VC te deptt hrang2 te nen inkawmna hona neih a ni a, YMA hnenah a tul atana hman tur buhfai bag 1, alu bag 1, chini leh thingpuife a pe a ni.

BDO zawlnuam chuan chhiatna an tawh chungchanga an hmalak dan hrang hrangte District Bawrhsap hi lo hrilha. Tuilian avanga chhiatna tawkte chanchin kimchang chu DC office ah thehlut tura hrilhin State Disaster Response Force atangin chhawmdawlna a theih ang anga ngaihtuahsak an nih tur thu District Bawrhsap hian a sawi a ni.

Pu Bhupesh Chaudhary hian tuilianin a chim avanga harsatna thlenna hmunah te hian hrileng laka him nan, Zawlnuam PHC a Doctor leh thawktu dangte chu ORS leh kawthalo damdawi thahnem tak nen inring reng turin a hriattir bawk.

Attachment

  • Loading attachment...