Ni 15.6.2018 zan khan Pu Joseph Lalhimpuia, Chairman, MYC chuan YMA Day vawi 83-na lawmna Chanmari Branch YMA (CBYMA), Aizawl-ah khuallian niin a hmanpui.

Pu Joseph Lalhimpuia chuan theihtawp chhuaha lehkha zir á¹­hin te, Kohhran leh khawtlangah mi dangte tana á¹­angkai thin te, an thiamna leh thawh rimna avanga dinhmun á¹­ha an chan pawha mi dangte tana malsawmna ni thei te hi tunlaia kan hnam pasalá¹­hate an ni, a ti. Tunlai khawvel - Social Media leh Internet khawvel hi á¹­halaite tan din chhuahna hun  á¹­ha a ni a, kan bulah, kan iptê, kan mobile phone-ah hriatna (knowledge) zawng zawng a awm tawh a, kan tumruhna leh taimakna, thawh rimna nen hlawhtlinna hi kan sual chhuak thei reng tawh a ni, a ti.

MYC Chairman chuan Pathianin Missionary-te hmangin min zawng chhuak a,   thiamna, finna leh talent min pe a, vawiinah chuan Mizo thalai zingah zirna lamah leh infiamna lamah India ram mai ni lo, khawvel hmun hrang hrangah mite tluk loh leh entawn tlak  hmuh tur an awm ta nual, a ti a. Thalaiten khawi kawng nge an zawh dawn tih zawtin thawhrimna leh tumruhna nen Mizo hnam chawimawia, mi dangte tana malsawmna nih nge mi dangte dâwm kân ngai leh buaipui ngaia awm an thlan dawn tiin CBYMA Member á¹­halai leh kalkhawm mipuite hnenah chona a siam a ni.  

He YMA day lawmna inkhawm hi Pu Lalhmangaiha, CBYMA-in a kaihruai a, an veng chhunga zirna lama mi hlawhtlingte leh football lama hlawhtlingte chawimawina certificate an pek bakah, HSLC & HSSLC pass tharte chawimawina hun an hmang bawk a. Kumin hi Chanmari Branch YMA Diamond Jubilee a nih angin a lawmnan hian Inter Branch Beat Contest buatsaih niin Jubilee T-Shirt an siam bawk a, MYC Chairman hian a tlangzarh nghal a ni.Chanmari Branch YMA te hian Pu Joseph Lalhimpuia hnenah a bial chhunga mitthi khuhna tur puan thahnem tak an pe bawk.