Vawiin khan Pi Lalbiaksangi District Bawrhsap chuan Agriculture Department kaltlanga Bungthuam Oil Palm Growers Association hnena Tractor pek chu District Agriculture Office,Mamit tualzawl atangin a vailiam.

District Bawrhsap chuan thu sawiin, Oil Palm chingtute’n Agriculture hnuaia Custom Hiring System hmanga Tractor a pek hi a man pumpui atanga 5% chiah Farmers Association lamin an tum thu sawiin, Farmers te tan thil lawmawm tak a ni a ti a. He Tractor hi Oil Palm chingtute zawng zawngin tangkai taka hmang tura duhsakna hlan chungin a vailiam.

Agricuture Department hian Custom Hiring System kalphunga hman turin kut hnathawktute hnenah Tractor 3 (pathum) Tuidam, Bawngva leh Bungthuam-ah te a lo pe tawh a. Tuna Bungthuam Oil Palm Growers Association hnena pek hi National Adaptation Fund on Climate Change (NAFCC), 2016-17 hnuai atanga pek a ni a. Agriculture Department-in Rs 8,06,740/- (95%) tumin Farmers Association lamin Rs 42,460\- (5%) an tum ve thung a, tichuan Tractor man zawng zawng hi Rs 8,49,200.00/- a ni.

He Flag-off Programme hi Pu L.V Zomuana, District Agriculture Officer, Mamit chuan a kaihruai a. Chairman, Bungthuam Oil Palm Growers Association leh Chairman, Oil Palm Zonal Committee, Mamit District te pawhin thusawi tawi an nei bawk.