Vawiin khan District Disaster Management Authority Chairman, Pu Bhupesh Chaudhary IAS, District bawrhsap hovin tunhnai ruahsur avanga District chhunga chhiatna hrang hrang thlengte chhawmdawlna hna thawh dan tur ngaihtuaha thutkhawm a ni.

Meeting-ah hian June Ni 11 leh 12 a ruahsurin District chhunga chhiatna hrang hrang a thlente thlirho a ni a, chhiatna hrang hrang thlenna hmun thenkhatah te hian harsatna chinfel a nih tawh rualin hmun thenkhatah te erawh chhawmdawlna hna thawh dan turte sawiho a ni.

Hriat angin tunhnaia ruahsur khan District chhung khaw hrang hrangah harsatna a thlente hi Zawlnuamah tuilianin In 70 a chim chu ziawm lam a pan ni-a hriat a ni a, Silsury-ah In 145 a chim leh Marpara khuaah In 10 a chimte erawh ziaawm lam a la pan loh avangin District Disaster Management Authority hnuaia chhanchhuahna hna thawh dan tur sawiho nghal a ni. Heng chhiatna hian Mamit khawpui chhunga leimin a thlen erawh thenfai hna thawh nghal niin khawchhung inkalpawhna kawngpuite tih tlang a ni tawh a ni.

Tuilian avanga harsatna a thlenna hmun hrang hrangah te hian District Disaster Management Authority ruahmanna angin naktuk hian Disaster Response Force Team 4th IR te chu tirchhuah an ni dawn a, chhiatna thlenna hmun hi Lawng hmang chauha tlawhpawh theih an nih avangin BSF te chu phungbawma sawm ni se  meeting hian a ti bawk.

Tun dnhmunah heng hmunte hi tlawhpawh theih loh khawpa tuilianin a la chimte an ni. Silsury leh Marpara khuate bakah hian Marpara leh Phuldungsei khuaah te Medical team-te tirh an ni anga. A tul dan angin Relief Camp siam a ni bawk ang.

Pu Bhupesh Chaudhary IAS District Bawrhsap chuan heng chhiatna hrang hrang tuartute hi a tawrhpui thu leh chhawmdawlna hna chu a theih ang anga District Disaster Management kaltlanga thawh tum a ni a ti bawk.

Attachment

• Loading attachment...