Vawiin khan Planning and Programme Implementation Department leh I&PR Department chuan Planning Secretary Dr. C. Vanlalramsanga IES, hovin a pisaah joint meeting an nei.

He meeting-ah hian Planning Department leh I&PR Department hotute chuan NEDP(New Economic Development Policy)  hlawhtling taka kalpui anih theihna tura hmalakna tur hrang hrangte leh  department  thawhhona tur te sawi hovin ruahmanna kimchang an siam nghal a.

Meeting-ah hian NEDP hnuaia program pakhat “Mizoram Kailawn” launching chu I&PR Auditorium-ah July ni 18 hian neih tura rel nghal bawk a ni.

Meeting hi Dr. C Vanlalramsanga Secretary, Planning and Programme Implementation Department chuan a kaihruai a, Planning & Programme Implementation Department atangin Pu Saihlira Principal Adviser, Dr. Lalrinchhana Deputy Adviser, Isak Lalmuanpuia Chuaungo Research Officer te telin I&PR Department atangin Pi Lalnithangi Director, Pu David L. Thangliana Joint Director leh Pi Christina Lalmuanzuali IPRO te an tel bawk a ni.