Kumin November 25, 2013 a M.L.A. Election lo awm tur atan Saiha District chhung 39- Saiha (ST) A/C leh 40-Palak (ST) A/C huam chhung hmun hrang hrang a duty tur Presiding Officers te tan Dt 16 leh 18 November, 2013 khan training pek an ni a, 1st Polling Officers te tan Dt 19 November, 2013 khan training neih tir an nih hnu ah vawiin Dt 20 November, 2013 chawhma dar 10 : 30 khan M.L.A. Election duty a kal tur Presiding Officers leh 1st Polling Officers zawng zawng te D.C’s Conference Hall Saiha-ah Training neihtir leh an ni.

He Training hi Pu John L.T. Sanga Additional Deputy Commissioner, Saiha District, Saiha chuan a kaihruai a, sawihona hun leh duty tur ten an tawn hriat hrang hrang te sawi khawmna hun hman a ni, duty a kal chhuak tur te hian harsatna an tawh thin hrang hrang te sawi langin heng an harsatna te hi rang taka sutkian dan turte huamzau taka sawiho ani bawk. He sawihona hun hi Pu VL Hruaizela Khiangte, Project Director, D.R.D.A. leh Pu H.Ramhluna te chuan an kai hruai a ni. Pu B.Lalchhawntluanga, SDO(S) & ARO chuan Polling Station hrang hrang a duty a chhuak turte Appointment Order sem nghal in an kal dan tura ruahmanna siam (Movement Plan) pawh a sawi bawk. Pu H.D. Lalpekmawia, Election Officer chuan lawmthu sawina neiin he training hi a ti tawp ani. He Training ah hian Presiding Officer leh 1st Polling Officer atana ruat te an telkim hle ani. Hetih lai hian nimin Dt 19.11.2013 atang khan Polling party Election duty a kal chhuak turte chuan Postal Ballot hmangin vote an thlak a ni.