Prasar Bharati Chief Executive Officer (CEO) Pu Jawhar Sircar, IAS (Rtd) chuan vawiin khan Chief Minister Pu Lal Thanhawla chu a office ah hmuin inkawmna hun tha tak an nei.

Pu Jawhar Sircar chuan Aizawla Radio programme hun chhung hi tun aia reia darkar sawm chhung vel tal programme hi siam tura hmalak a tum thu a sawi a. Chief Minister chuan radio leh TV hi Mizoram chhung bakah Myanmar leh Bangladesh a cheng Mizo tam tak ngaithlatu leh thlirtu an awm thu hrilhin, abikin Bangladesh lam hawia tihchhuah hi fimkhur tha a tih thu a sawi a. TV ah programme hi tam zawk leh rei zawka kalpui a, sports lam uar tha a tih thu a sawi bawk a. CEO chuan a tulna leh a theihna apiangah Prasar Bharati chu zau zawk leh rei zawka kalpui chu an duhdan a ni tiin, kan theih ang zelin kan tanpui ang che u a ti a. TV Towers zawng zawng pawh hi FM Radio programme ngaithla thei tura hmalak tum mek a ni a ti a, hei hian hmun kilkhawr zawk a chengte pawhin FM Radio programme hi an ngaithla thei dawn a ni a ti.

Chief Minister hi Pu Lalrinmawia Ralte, Environment & Forests Minister in a tawiawm a, Pu Sircar hi Brig (Rtd) S.Sekhran, ADC (A), C.Lalrosanga, ADG (P&A), MS Hansari, ADG (E), T.Hynsenta, DE leh Tor Paul, DDE ten an tawiawm a ni.