Nimin chawhma dar 10:30 khan Lunglei Saikuti Hall ah Gov’t. Leitlangpui Higher Secondary School in HSLC leh HSSLC 100% pass lawmna leh Fresher's social hun hman a ni. Pu Biaklawma Principal in inkhawm hi kaihruai in Pu Joseph Lalhimpuia Vice Chairman HPC Lunglei chu khuallian a niin, Pu Pu Lalthakima DEO chu khualzahawm a ni.

Pu Mahima chuan thusawiin Zirlai te zirtirtu te thuawihna avang in Mizoram ah Gov’t H/S ah 100% a pass awmchhun annih avang in lawmthu a sawi a, Chhim ah thluak a awm a Hmar ah pawisa a awm, hun rei tak kan mutthluk hnu ah kan harhchhuak leh ta a, kan thluak leh kan talent te kan hmang tangkai tan leh mek a ni, a ti. Chuvangin Gov’t Leitlangpui Higher Secondary School hian result tihchhiat a thianglo a ni, a ti. Thawhrimna leh taihmakna tello chuan a hlawhtlin theihloh a, Mihring ti zahawm tu chu education hi a ni a, thingtlang mite indah hniam lo tur in lehhmuhsit a awmlo turin a chah bawk. Central service leh sawrkar officer te hi khawpui pawn ami anni deuh tlangpui a ni, a ti bawk. Midang rinchhan a awm lovin mahni intodelh turin zirlai te a chah a, in thunnunna hian mihring rilru a siamtha a, chu chuan hlawhtlinna a thlen thin a ni, zirlai tibuaitu leh result tichhetu internet, mobile, ‘facebook’ leh ‘sms’ te kalsan rawh u, a ti bawk. Pathian rinchhan a zir zel chuan an hlawhtlin ngei a beisei a ni. Mi tihtheih chu ka ti thei ve ani tih rilru pu chung a zir zel turin a chah bawk.

Nimina Gov’t. Leitlangpui Higher Secondary School hlawhtling te hi HSLC ah naupang 20 leh HSSLC ah naupang 52 an ni. Pu Lalthakima DEO Lunglei leh Pu V.Lawmzuala Headmaster pawh in fuihna thu tha tak tak an sawi bawk a ni.