Nimin chawhnu dar 1:00 khan Lunglei Art & Culture Auditorium ah Industries Sector hnuai a NLUP beneficiery 2nd phase Lunglei ‘E’ cluster mi 310 te hnen ah Rs. 73,60,800 1st installment atan Pu Joseph Lalhimpuia Vice Chairman HPC Lunglei chuan a sem.

Pu Mahima chuan thu sawiin NLUP hi mi rethei tan dam khawchhuahna leh innghahna tlak a nih zia a sawi a, thawhrimna chu keimahni ah a in nghat a chuvangin taima tak leh rinawm tak a hmang tur in NLUP dawngtu te a chah. Hotu te duhsakna avang in a bialchhung ah hmasawnna tam tak hmuh theih in a awm a, chanmari hall cheng nuai 500 in sak tum a ni a, Liandala Mini Sport Complex pawh June thla a hawn tum a ni. Lunglei Fire Station pawh puitling a hlankai a ni, a ti bawk. Khua leh ram ti nuamtu chu sum leh pai ni lovin keimahni hi kan ni a, a ti a tih puitlin hna hi kan tih tur a ni, a ti bawk.

Inkhawm hi Pu.Zathangliana District NLUP Co-ordinator in a kaihruai a, Pu.J. Lawmsanga IPO DIC in hunserh hmang in Pu R.Vanlalsanga IPO DIC in training a pe a ni. NLUP hi khaw 8 te hnen ah sem a ni.