Vawiin chawhma dar 10:30 khan Health Minister Pu Lal Thanzara chuan Saiha District Civil Hospital sak mek chu a hmunah a tlawh a. Saiha District Civil Hospital hi cheng Nuai Rs.988/- senga sak tur a ni a. April ni 16, 2015 khan Hospital hlui thiah hna thawk tanin, June ni 12 khan building ban hmasa ber chu a phun tan thei ta a ni. He Civil Hospital hi basement tiam lovin, zopa chhawng chhiarin chhawng 4 tur a ni a. Work Order-a a lan dan chuan September ni 16, 2016-a sak zawh tur a ruahman a ni. He District Civil Hospital sak hna contract hi Pu F.Sangkunga, Venghlui, Aizawl in a thawk a; Hospital sak hna viltu chuan Department official te, Saiha-a NGO hrang hrang te leh SDDVC (Saiha District Development Vigilance committee) ten a khat tawkin an hnathawh chu enpui reng thin thu leh Plan& Estimate ang taka Civil Hospital hi sak mek a ni, tih Minister hnenah a hrilh a ni.

Civil Hospital sak mek a tlawh zawh hian Minister chuan Hospital staff te leh Saiha Health Department-a official ten nen inkawmhona an neih nghal a. Medical Staff te chuan, Doctor chu tun dinhmunah chuan Saiha District chuan a neih tha thawkhata an hriat thu sawiin, Quarter leh Medical equipment lama an pachhiat thu minister hnenah an thlen.

Pu Lal Thanzara hi MADC hotu te, a enkawl Department hotute bakah MDCC President Pu S.Hiato Ex-Minister ten an tawiawm a ni.