Soil and Water Conservation Department chuan Champhai District chhunga NLUP 3rd Phase leh 4th Phase hnuaia hmunphiah chin thlangtu beneficiary 60 hnenah vawiin khan 2nd installment a sem chhuak. Tanpuina hi Kawlkulh Centenary Centenary Hall-ah S&WC Department Secretary Pu B. Lalhmingthanga'n a sem a ni. He hun hi DSWO Champhai Pu Lalrinzama'n kaihruaiin, tanpuina sem zawh hian beneficiary-te training pek nghal a ni.

Soil Department Secretary chuan Mizoram leilung hi hmunphiah chinna atan a that em avangin tuna tanpuina dawngtute pawhin rinawmna nen an thawh chuan hlawhtlinpuina tham an la tharchhuah vat a beisei thu a sawi a. Hlawk zawka an thar theih nan department mithiam te zirtirna chu ngaipawimawh bawk turin Pu. B. Lalhmingthanga chuan beneficiary-te chu a chah a ni.

3rd Phase hnuaiah hian hmunphiah chin thlang khaw pali atangin beneficiary 16 an awm a, 4th Phase hnuaiah khaw pathum atangin beneficiary 24 an awm thung. Hmunphiah chin thlangtute hi an vaiin Rs. 26,600 theuh vawiin hian pek theuh an ni a. He tanpuina an dawn atang hian Terrace siam nan Rs.2,000, Terrace inkar chang khamna atan Rs. 12,600 leh Thlam sakna atan Rs. 12,000 hmang tura ruahman sak an ni.