Vawiin chawhnu khan Lawngtlai DC Pu J.Hmingthanmawia chuan tunlai ruahsur vanga Lawngtlai-III huamchhung a Zoram Drivers Union Office sak lai, a chhak ko min vanga dinhmun hlauhawm a ding mek chu a hmun ah a en a, khawtlang hruaitute nen hmalak zel dan tur te an sawiho.

Helai leimin vang hian a bul a Pi Zothanpari In, chhungkaw pahnih luahlai chu vawiin khan Lawngtlai-III khawtlang hian hnatlang in an bungrua te hmun him lam ah an senghawi saka, in erawh hi chu an la thiat rihlo thung. Hnatlang chhuakte hian leimin zel tur ven nan Silpauline an zar nghal bawk.

Helai leimin hi khaw awmdan a zirin la min belh maithei dinhmun ah a ding mek a, a chhaklam a In ding pahnih pawh, a minbelh leh chuan dinhmun hlauh thawnawm ah a ding thei tur a ngaih a ni.