Vawiin khan Secretariat Conference Hall, New Secretariat Complex-ah Pu Lalmalsawma IAS, Chief Secretary hovin tunthla chhunga Earthquake Drill buatsaih tur chungchang an thlirho.
He hunah hian chhiatrupna lo thlen pawha hmala tu tur, State Level leh District Level a mawhphurtute inkhaichhawn diat dan leh an hnathawh tur ruahman te Dr. Lalrokima Chenkual, Head Faculty, ATI in power point presentation hmangin a sawifiah a. Pu Zothansanga Hmar, District Organiser, DM & R in Earthquake Drill, kan hmalawka kan buatsaih dan tur chipchiar takin power point presentation hmangin a sawifiah bawk.
He meeting-ah hian Earthquake Drill buatsaih huna department hrang hranga mawhphurtuten harsatna an tawh theih dan te leh a sutkian dan turte sawiho nghal a ni bawk. Mawhphurhna hrang hrang chelhtute pawh an mawhphurhna leh chanvo te tha taka hlenchhuak turin beisei an ni bawk a ni.
Meeting-ah hian Department hrang hrang atangin chhiatrupna lo thlen pawha hmala tu tur bika ruat (Nodal Officers) te an tel tha hle a ni.
