August ni 22, 2014 khan Vigyan Bhawan, New Delhi-ah ram pum huap Industries Minister-te intawhkhawmna Conference of Industries Ministers neih a ni a, he Conference-ah hian Industries Minister Pu H.Rohluna leh Pu Ashutosh Kumar IAS, Secretary, Industries-te pawh an tel a ni.

Pu H.Rohluna chuan meeting-a a thu sawinaah, Mizoram chu tlang ram a nih avanga inkalpawh nate a tha lo a tiin Industries lamah pawh Mizoram chu a la hnufual hle thu a sawi a, Mizoram Sawrkar flagship programme, NLUP hnuaiah Mizoramin kawng hrang hranga hmasawnna a hmuh mek thu a tar lang.

He Conference, Pu Kalraj Mishra, Union Minister for Industries etc. hova neih ah hian, Pu H. Rohluna chuan Micro Small & Medium Enterprise than zelna turin mumal zawka hma lak dan tur rel chhuah a nih ngei a beisei thute pawh a sawi.