Nimin khan School Education Minister Pu H. Rohluna, chuan Union Minister for Human Resource Development, Pi Smriti Irani, chu a Office-ah hmuin inkawmhona hun tha tak an nei.

An inkawmhona ah hian thil dang bakah Hindi zirna chungchangte an sawiho a, Pu H.Rohluna chuan Hindi zirna leh a tih hmasawnna atana sum mamawh Sawrkar Laipuiin a tum thin, kum 2017 atanga tawp mai tur nia sawi chu Mizoramin a la mamawh dante sawi puiin, a chhunzawm theih dan tur kawngte Union Minister hi dapsak turin a ngen.

Pu H.Rohluna hian Ministry of Human Resource Development hnuaia Joint Secretary leh Under Secretary-te a hmu bawk a. Mizoram-a Hindi Teachers(CSS) 1305-te hlawh chu Ministry lam hian an lo buaipui vat tur thu Ministry lama thuneituten an lo hrilh a, Minister hi Pu C.L. Ruala, MP(Lok Sabha), Director of School Education leh Deputy Director(Hindi) ten a tawiawm a ni.