Vawiin chawhma dar 11 : 30Am khan I&PR Conference Hall, Siaha-ah R.T.I. Week, 2016 chu hlawhtling taka hman a ni.

He Week hmanna hi Pu Ngurthansanga, S.D.C., Siaha chuan a kaihruaia District Bawrhsap Pi Harleen Kaur IAS chu Khuallian a ni. Sawihawnna leh kalkhawmte chawnglawmna thu Pu Lalramsanga, CJM, Siaha chuan a sawi hnu-ah he Week hmanna-a Khuallian Pi Harleen Kaur IAS, District Bawrhsap chuan thu sawiin Dan lam chungchanga mipuite zalen taka kan tel theina chu he RTI Act hi a ni a ti. RTI Act hi kum 2005 khan hman tan niin kum sawmpakhat a lo tling ve ta reng mai a ni tiin Sawrkar hnen atanga kan chanvo leh dikna zalen taka kan hmu theina leh hriat theina hmanrua tangkai ber a ni a ti a, India ram khua leh tui kan nihna anga Sawrkar laka kan hriat duhzawng kan hriat theihna chauh nih lovin India khua leh tui tha kan nihna kan lanchhuahna hmanrua tangkai tak a ni a ti bawk. RTI zawhna te chu chhan a nih loh chuan thuneitu sang zawk hnenah thlen leh zel theih a nih thu sawiin he Dan hian mitinte dikna leh chanvo a humhalh tlat thu a sawi a, sawiselna leh zawhna te a awmloh chuan sawrkar tan chak taka kal a har a ni, a ti bawk.

RTI Week, 2016 hmanna ah hian huamzau taka sawihona, zawhna leh chhanna hun hman niin Pu CZ. Hluna, Vice President, MJA Siaha chuan a kaihruaia, Resource Person Pu Lalramsanga, CJM, Siaha leh Department hrang hranga SPIO leh SAPIO ten mipuite zawhna an chhang a ni. Programme karlak ah zaithiam zai te ngaihthlak a ni a, Pu CZ. Hluna, Vice President, MJA, Siaha chuan lawmthu sawina neiin, he RTI Week, 2016 hmanna programme hi tihtawp a ni.

He Week hmanna-ah hian Department hrang hrang hotute, tlawmngaipawl hrang hrang hruaitute, School Naupangte, Siahakhawpui chhunga Village Council hrang hrang Member te bakah Chanchinthar thehdarhtute an tel kim hle a ni.