‘Mizoram sorkar Department hrang hrang ah hian website 125 awm tawhin hengte hi mipui mamawh chhawpchhuahna atan hman tura puahchah a ni”.He thu hi Pu Lalsawta, Finance Minister chuan vawiin a New Secretariat Conference Hall-a E-Payment chungchang mi pawimawhten an sawi hona a sawi a ni. Minister chuan Department tinte chu mipuite mamawh apiang pe chhuak thei tura in puahchah turin a hrilh a ni.

Meeting ah hian sorkar Revenue lakkhawm a lo pun theih nan a Business Model leh Mizoram e-payment chungchang sawiho a ni a, mipuiin Sorkar awlsam zawka an dawr theihna tur leh Chhiah awlsam zawka an pek theihna turin ruahmanna hna chak taka kalpui mek a nih thu Pu Sawta chuan a sawi. Tunah hian Mizoram Sorkar website 125 a awm a, heng atangte hian mipuiin an mamawh Service hrang hrang pechhuak thei turin Department tin te hma la tura beisei an ni a, a tul anga website te pawh update fo turin Department te pawh beisei an ni tih Finance Minister chuan a sawi a ni.

He meeting-ah hian Parliamentary Secretary Pu K.S. Thanga leh Sorkar mi pawimawh thahnem tak an tel a ni.