Vawiin chawhma dar 11:00 khan District Industries Centre (DIC), Kolasib chuan anmahni conference hall-ah NLUP an sem chhunzawm a. Puanthui (Tailoring) hnuaiah 2nd phase-ah mi 21 hnenah Rs. 11,97,000.00 chu Rs. 57,000.00 theuhin an pe a; Carpentry hnuaiah mi 29 hnenah Rs. 97,600.00 theuhin Rs. 28,30,400.00 an sem a ni.

NLUP dawngtute hi an bank account theuhah an pawisa dawn tur hi dahluhsak an ni. NLUP dawngtute chu an pawisa dawnte sawrkarin a beisei anga hmang tha turin Pu C.T.Rosiama, SDIO, Kolasib chuan a fuih a ni. NLUP semna inkhawm hi Pu Robert Thangmawia, DIPRO/Media Officer, NLUP leh MJA member-ten an hmanpui a ni.