Vawiin hian Pu Hrangtawna, IRTS, Secretary, FCS&CA hovin a Office Chamber-ah kum 2015-2016 chhunga State Consumer Welfare Fund hman dan tur chungchangah Committee pawimawh tak neih a ni.
He Meeting-ah hian kum 2015 - 2016 chhunga Consumer Welfare Fund Rs.21.5 lakhs (Nuai sawmhnih pakhat leh singnga) hlawk taka hman dan tur ruahman fel a ni. Nakum 2016, March ni 15 a World Consumer Right Day lo thleng tura District hrang hranga hman tur sum bithliah fel niin hei bakah hian District Consumer Protection Council ten a Awareness Campaign a buatsaihna tur sum te ruahman fel a ni bawk.
Meeting chuan State Consumer Welfare Fund hmang tangkai mipui ten kan chanvo dik tak kan chan theuh theih nan a kan dikna (Right) kan hriat theuh a pawimawh a ni tiin heng sumte hi hlawk taka hman nise a ti bawk.
Committee chuan Consumer te tana Lehkhabu tangkai tak ziaktu Pu Lunghnema lehkhabu ziah bu 150 lei nise an ti bawk a ni.
He meeting-ah hian Pu H.C Rochungnunga, Director, FCS&CA, Pu H.Thanglura, President, Mizoram Consumer Union Hqrs te bakah Finance Department, Rural Development Department leh I & PR Department aiawhte an tel a ni.
