Mizoram State Sorkar Notification No. B. 12021/10/04-TRP dt. 22.8.2008 leh Sec tion 116 of MV Act, 1988-angin Aizawl Trafic S.P leh khawtlang hruaitute leh Local Council te nen inrawn chungin lirthei khalhtute leh mipuite him zawk nan Kendra Vidhyalaya School, Thuampui a kal naupang lirthei a hruai thin te tan ahnuaia tarlan ang hian lirthei tlan dan tur thupek thar chhuah a ni.
1.Thuampui veng hmar lam, Bawngkawn, Zuangtui lam atanga lokal naupang hruai te chuan Kawng hlui lama kal tawh lovin Pu Rophira In (Main Road) bulah kual chho in Kendra Vidhyalaya School bulah an naupang hruai te an drop anga, chumi hnuah Supervisor Mess lamah chhuk thla in dinglamah Pushpak Mandir lam panin an kal anga Main Road (NH-54) a pawh ang.
2.Thuampui Veng chhim lam Zemabawk, Falkland lam atanga lokal te chuan Pushpak Mandir bul short-cut kawnga kal tawh lovin Main Road-a kal in Pu Rophira In bul Main Road atanga kual chho in Kendra Vidhyalaya School bulah an naupang hruaite an drop ang a, chumi hnuah Supervisor Mess lam atanga dinglamah chhuk thla in Pushpak Mandir lam pan in an kal anga Main Road (NH-54) an pawh ang.
He thupek hi ni 7.10.2015 atangin thu leh awm hma chu hman a ni ang. He thupek hian chhiatrupna thil kangmei leh emergency kaihhnawiha duty-te chet velna a huam lovang.
