North Eastern Space Application Centre (NESAC) leh Town & Country Planning Organisation, Ministry of Urban Development, Govt, of India te nen tangkawpin UD&PA Department chuan Formulation of Master Plan Using NUIS-Bhuvan tih thupui hmangin Workshop nimin nileng khan Aijal Club-ah an hmang. Dr. C. Vanlalramsanga, Secretary, UD&PA Department chu khuallian ni in Town & Country Planning Organisation, Ministry of Urban Development, Govt, of India te, National Remote Sensing Centre, Hyderabad leh North Eastern Space Application Centre atanga mithiam lokal ten zirtirna an pe a ni.

Dr. C.Vanlalramsanga chuan khawvel hmasawn zelin a ken tel chu thingtlang aia khawpui a chen intih hmuhna a ni a. Khawsak awlsamna zawk avang leh hmasawn a awlsam zawk avangin India ah pawh mi tam zawkin khawpuia chen an tihhmuh tawh a ni a ti a. India in sum leh pai hmasawnna a thawhchhuahb 60 % lai hi khawpuia cheng ten an thawhchhuah a ni tiin kum 2030 a thlen meuh chuan Urban India hian India ram pum puia hna 70% lai a siam dawn bakah India ram pumpui hauhsakna, sum leh pai dehchhuah 70% lai hi heng hnathawktute thawhchhuah hi a ni dawn a ni tih mithiamte chhutdan a ni a ti. Mizoram hi India states zinga khawpuia cheng mihring tamna bera chhut pahnihna a nih avangin vawiin a workshop kan neih pawimawh zia pawh hi a hriatthiam awm in ka ring a ni a ti.

Pu Zorammuana, Director, UD&PA Department-in kal khawmte lawmna thu a sawi a, Pu Zoduailova Zote, Joint Director of Town Planning, UD&PA Department in lawmthu sawiin hun hnung a khar a ni.