130/2023-2024

Aizawl, the 18th April 2023: Vawiin chawhma khan Chief Minister Pu Zoramthanga chu a Chennai CM bungalow ah Consul General Melinda Pavek, U.S. Consulate General, Kolkata (India) hotu ber chuan hmu in an inkawm.

US Consul General chuan Chief Minister hi ei leh bar, zirna leh environment lama Mizoram dinhmun chungchang te zawtin, Mizoram hmathlir te Chief Minister chuan a sawipui a. Thenawm ram Myanmar leh India inlaichinna te sawidun bawkin, khawchhak atanga ruihtheihthil lo thlengin khawtlang nun a nghawng dan te an sawi dun bawk.

Pi Melinda Pavek chuan March thlaa B20 meeting Mizoramin a thlen chungchangte sawipuiin, economy tihhmasawnna tur theihna 'potential' Mizoramin tha tak a nei chu lawmawm a ti a. Entrepreneurship lama thalaite hmasawnna chungchangte an sawi dun bawk a ni.

US Consul General hian Chief Minister a hmuh zawhah Health Minister leh Chief Secretary te a hran ve ve in a hmu leh bawk.