129/2023-2024

Mamit 18th April, 2023 : Pu Lalruatkima, Land Revenue & Settlement, Rural Development leh Information & Public Relations Minister chuan vawiin khan DC Conference Hall, Mamit-ah Computerization of Registration, National Generic Document Registration System (NGDRS) tlangzarhna leh Sub-Registrar's Office (SRO) hawnna a nei.

Minister chuan inpumkhatna leh inlungrualna zarah Mamit khawpuiin hmasawnna kan chang chho mek zel a. LR&S pawh Department upa tak mai, a tello-a kan awm theih loh Department pawimawh tak a ni a. Ram inchuh vanga buaina thleng chu khawvela buaina tam ber anih angin a chingfeltu Department te tana thil tangkai tak India rampuma kalpui mek, kan document te vawnthatna tur NGDRS Computerization of Registration Mamit-a hawn theih a ni chu a lawmawm takzet a. Tangkai taka hman anih ngei a beisei thu a sawi.

NGDRS chu rampumah kan in leh lo, lehkha pawimawh felfai taka dahthat anih theih nana siam anih angin kan ram leina leh hralhna-ah te, kan ramri buaina-ah te pawh he Software hian kan harsatna a sutkian a beisei thu sawiin Court-in document registration loh chu thutlingah a pawm lova, thiam kan chan theihna atan NGRDS Software chu hmang ngei thin turin kalkhawmte a chah.

Minister chuan Online hmanga lei man (chhiah) pek theih turin hmalak mek a ni a, Software pawh tlangzarh thuai theih a beisei thu sawiin hmasawnna kan hmuh chhoh zelna turin Department-a thawktute tan la sauh sauh tur leh mipuite pawh Sorkar finchhuah a, Sorkar thawhpuitu ni turin a ngen bawk a ni.

Pu V. L. Remliana, Mamit District Bawrhsap leh District Registrar ni bawk chuan kalkhawmte lawmna thu sawiin Pu K. Vanlalthlana, MCS, Joint IGR & Joint Director (Admin), LR&S Department chuan Technical Report a pe a. Registration Act 1908 hnuaiah dan angin, NGDRS Software hmangin danin in leh lo neitu nihna leh chanvo a pekte vawnghim a, Sorkar leh vantlang hriata humhalh a. Dan lova ram neih tumna lak ata min vengtu tur, langtlang leh mipuite tana awlsam NGDRS chungchang sawifiahna neiin Document Register ngei ngei ngai te, NGDRS - One Nation One Registration Software, Modules, Implementation, Fund Position for Computerization of Registration, NGDRS thatna, Financial Achievement bakah Document Register dan tur sawifiahna a nei.

Hetiang hian Document Register tur a ni.
1. Visit the URL: igrmizoram.nic.in
2. Click on Citizen Registration for login details.
3. Login to the citizen module.
4. Select document entry.
5. Fill all details :
a - General Information
b - Party Details
c - Witness
6. Fee Calculation.
7. Pre- Registration Summary.
8. Scan and upload document.
9. Data Submission.
10. Fix Schedule of appointment.
11. Ni ruatah buaipui ngai buaipui zui turin SRO Office-ah kal tur a ni.

He hun hi Pu K. Laldingliana, MCS, Inspector General of Registration & Director, LR&S Department chuan kaihruaiin Pu Lalsanglura, Sub- Registrar, Settlement Officer, Mamit chuan lawmthu a sawi.

Minister hian SRO Office, Mamit tlawh nghalin LR&S Department hotute'n an rawn tawiawm a. He hunah hian Mamit khawpui chhunga Sorkar Department hrang hrang hotute, khawtlang hruaitu leh tlawmngaipawl hrang hrang aiawhte bakah thutharthehdarhtute an tel a ni.