128/2023-2024

Dated Aizawl the 18th April 2023: Tukin khan UD & PA changtu Deputy Chief Minister Pu Tawnluia ho in Aizawl City Junction Improvement scheme atanga thawh tura ruahman junction pahnih – Pu Lalnunzira in bula 7th Day tlang to Upper Kanan Junction leh DM & R Office kawmthlang kawng kual lai zauh tur chu thawh tan a nih thuai theihna turin a hmunah en ho a ni.

He site visit-ah hian hmalak dan tura ruahmante sawiho a ni a, Pu Lalnunzira in bul 7th Day tlang to Upper Kanan Junction hi PWD lamin Geology & Mineral Resources Department-in a siam dan tura an tih angin estimate hi lo siam se, kar khat hnuah thawh tan ni se tih a ni.

Tin, DM & R office kawmthlang kawngkual lai tihzauh tur hi ruahmanna awm tawh angin UD & PA lamin hma lo la tan se tih a ni bawk a, furpui in tan hmaa zo tura chak taka hmalak ni se tih a ni.

Tun hnaiah hian UD & PA Department hnuaiah Junction pawimawh tak tak Chaltlang-a DIET Peng Junction te, Chanmari Junction te, Ramhlun North Industry Peng Junction te leh Ramthar North Junction te thawh zawh a ni tawh bawk a ni.

Deputy Chief Minister hi UD & PA, PWD, PHED, AMC, DM & R, Geology & Mineral Resources Department hotute leh Chawnpui Local Council ten an tawiawm a ni.