127/2023-2024

Aizawl, the 18th April 2023: Health & Family Welfare Department, GoM chuan GeoHazards International (GHI) leh GeoHazards Society (GHS) te nen tangkawpin Directorate of Health & Medical Education, MINECO-ah ni 2 chhung awh tur ‘Hospital Disaster Management Planning’ tih training programme ni 18 leh 19 April. 2023 chhung atan Directorate of Health & Medical Education Auditorium-ah an buatsaih.

Training programme hi Dr. P. C. Lalramliana, Principal Director H & FW Department chuan hawnna hun hmangin, Hospital Disaster Management pawimawhzia te, mitin in chhiatna lo thleng thei laka lo inven a, theitawp chhuah a tul zia a sawi a. GeoHazards lam atanga resource person-te Dr. Hari Kumar leh Mr. Pranav Sethi chuan Mizoram puma damdawi in 28 (Govt hospital leh empaneled Private Hospital) atanga lo telte hnenah zirtirna pe in Health facility in nghawng a neih theih hlauhawm hrang hrang te, Damdawi In sak hmang leh in rel dan kawnga hriat tur pawimawh te, chhiatna lo thleng thei laka lo inbuatsaih dan leh ruahmanna siam dan te, Chhiat rupna lo thleng thulh pawha hospital hmun leh bungrua hman tangkai thiam dan te sawiho a ni dawn a ni.

GeoHazards hian kum sawm kalta chhung khan Aizawl-ah lirnghing leh leimin hlauhawmna tihziaawmna kawngah hna an thawk a, Disaster Management & Rehabilitation Department leh GoM-a stakeholder department te nen hma la chho zelin, theihtawp chhuahin an thawk a ni.