126/2023-2024

Aizawl, the 18th April 2023: Consul General Melinda Pavek, U.S. Consulate General, Kolkata (India) hotulu ber chuan Governor Hari Babu Kambhampati chu vawiin khan Raj Bhavan-ah a kawm.

Governor Hari Babu Kambhampati chuan Consul General Melinda Pavek leh a naut e chu Mizoram an rawn tlawh avangin lawmthu a hrilh a. US Palai Pi Melinda Pavek hnenah hian Mizoram a rawn tlawh chhan leh a rawn ngaih pawimawh deuh te pawh a zawt bawk a ni.

Consul General Melinda Pavek chuan Mizoramah sumdawnna kawngah thawhhona a awm em tih te Governor hi a zawt a. Hemi kaihnawih thilah hian Governor chuan horticulture sector (Bamboo developments, Dragon fruits,etc.,), Services Sector( Nursing, Healthcare & paramedical professions, hospitality, etc.,), power generation through hydroelectricity leh kawng danga Mizoramin hmalakna a neih mek chungchang leh a thlen chin te US Palai hi a sawipui a ni.

Governor chuan India sawrkarin Mizoramah hmasawnna ruhrel liantham tak – Rel Kawng siam leh National Highway tih len hna te a thawk mek tih a sawi a. KMTTP a puitlin har deuh pawhin Rel Kawng leh National Highways siam hna te erawh thawh zawh thuai a ni dawn a. Hetih hunah hian kawngtinrengah hmasawnna liantham tak a awm dawn a, Mizoram hmelhmang a danglam dawn, sumdawnna kawngah pawh tihtur leh thawhtur tam zawk a awm ngei ngei dawn a ni tih US palai chu a lo hrilh bawk a ni.