23 Sector Assam Rifles leh HQ Inspector General Assam Rifles (East) hnuaia 1 Assam Rifles (Lushai Hills Battalion) chuan nimin ni 8.2.2018 khan an Civic Action Programme kaltlangin Nala Basti (Vesikai Village), Lawngtlai District-ah ‘Medical Camp’ an buatsaih a ni.

AR Medical Camp hi Nala Basti VCP Pu Parmo Kantitong-in hawngin, he Camp-ah hian an khua leh a chhevel atangin damlo mipa 326, hmeichhia 330 leh naupang 155 ten a thlawnin an rawn inentir a ni. Assam Rifles atangin Chief Medical Officer 2IC Partha Chetia, 1 AR leh 148 Bn BSF atangin Asst Commdt. Paritosh Verma, Medical  Officer te kaihhruaina hnuaiah Camp kalpui a ni a; damlo en bakah hriselna leh faina lamah mipuite hrilhhriatna hun hman a ni bawk.