New Secretariat Complex-a Engineer-In-Chief, PHE Office building tur sak chung chang Chanchinbu hrang hrang-a lo lang kha hetiang hi thil awm dan chu a ni e-

1. E-in-C, PHE Office Building sakna hmun hi New Secretariat-a Plot No. 17 & 19 a ni a. Quarters (Quarters No. K/IV- Type-IV) chhungkaw 6-in an luah lai bulah, thiat lova sak tura ruahman a ni.

2. Site Selection Committee dt 31.1.2015-a thukhawm chuan Plot No. 17 chu PHE Building sakna atan a pe a. PWD-in Estimate siamin approval leh sanction pawh hmuh fel a ni a. Hemi ang hi chuan Quarters ding lai hi thiah tur a ni a.

3. Site Selection Committee dt 9.6.2015-a thukhawm chuan ngaituah tha lehin Plot No. 17 leh 19 chu E-in-C, PHE Building sak nan a pe leh a, Quarters ding lai thiat lova sak tura ruahman nise a ti bawk a.

4. Hemi ang hian sak turin tender a ni a, hna pawh pek fel a ni a.

5. Amaherawhchu, New Secretariat Complex Welfare Committee (NSCWC) chuan chenna in a hnaih lutuk tiin Office building sakna chu cancel turin a ngen a.

6. Hemi chungchang ngaihtuah tur hian Joint Meeting, PWD, PHE, GAD leh NSC WC aiawh te nen dt 14.7.2017-ah Chief Secretary Conference Hall-ah neih a ni a. Joint Meeting chuan PWD-in Drawing hi siamtha leh se, Quarters leh Office building inkarah 10 ft. tal hmun awl zuah nise a ti a. PWD-in chutiang chuan drawing chu a siamtha leh a.

7. Joint meeting dt 31.8.2017-a Chief Secretary Conference Hall-a neih leh chuan Drawing siamthat leh chu an enho a. Quarters ding lai leh Office building sak tur inkarah 10 ft. aia zau zuah vek a ni a. Chu chu Joint Committee chuan tha a ti a.

8. New Secretariat Management Committee chuan Joint Meeting thutlukna chu a pawmpui a.

Chutiang chuan AMC-ah 25.1.2018 khan permission pawh lak fel a ni a. Hna pawh dt 7.2.2018 khan thawh tan a ni ta a ni.