"Tlangmite Thian" an nihna ang ngeiin Assam Rifles chuan Mizoram hmun hrang hrang, a bik takin thingtlang khua kilkhawr zawka chengte tanpui hna an thawk zel a. Tun hnai khan 23 Sector Assam Rifles hnuaia Aizawla awm 10 Assam Rifles Unit te chuan Govt High School, Zohmun hnenah infiamna hmanrua - football, football net, volleyball, volleyball net, carromboard, basketball, basketball net, badminton racket, badminton net leh shuttlecock thahnem tak an pe a ni.
Hei bakah hian 10 Assam Rifles vek hian ni 17 March 2009 khan Govt. High School, Khawdungsei hnenah Computer Set 1 an pe bawk a, hei hi 10 Assam Rifles-in thingtlang khuaa High School computer an pek vawi 4-na a ni tawh nghe nghe a ni.
10 Assam Rifles Commandant Col A.S. Walia chuan hetiang tanpuina hi Military Civic Action hnuaia thawh a nih thin thu sawiin thingtlang sikulte hnena computer pek hian zirlai naupangte chu khawpuia an zirlaipuite anga computer thiamna a pek bakah an zir zova hnazawn pawh a ti awlsam thei a ni, a ti.
10 Assam Rifles Commandant Col A.S. Walia chuan hetiang tanpuina hi Military Civic Action hnuaia thawh a nih thin thu sawiin thingtlang sikulte hnena computer pek hian zirlai naupangte chu khawpuia an zirlaipuite anga computer thiamna a pek bakah an zir zova hnazawn pawh a ti awlsam thei a ni, a ti.
