Nimin khan NLUP hmahruai atan Agriculture DC office ah Kuthnathawktute tan Power Tillers semna inkhawm neih a ni. Agriculture Minister Pu H.Liansailova chu he hunah hian khuallian a ni a, NLUP Implementary Board Chairman Pu Selthuama bakah Pu K.S.Thanga leh Pu Lal Thanzara, Parliamentary Secretaries ten khuallian tawiawmin he hun hi an hmanpui.

Power Tiller Flag-off Programme hi Serchhip DC Pu H.Darzikan a kaihruai a. He hun hmanpui tu Pu Lal Thanzara leh Pu K.S.Thanga, Parliamentary Secretaries ten thu tawi sawina hun an hman zawhah Technical report Pu K Zirliana, PPO, Directorate of Agriculture a mi chuan Technical report a pe, khual zahawm Pu Selthuama, NLUP Implementary Board Chairman chuan khawl Subsidy a dawng tute hnenah fuihna thu sawiin Sorkar hotuten kuthnathawk tute hmangai a hetiang ang vanneihna kuthnathawktute tan chang ni lovin ram tan a ni a, tumruhna tak tak nen thawkin hlawhtlinna hmu ngei turin duhsakna a hlan a. Khuallian Pu H.Liansailovan a thusawi na ah “Buh thar tam kan duh avangin Power Tillers Policy hi kan hmang a, hei hi thil chhinchhiah tlak ram tan a nihzia tarlangin, taima tak leh Pathian tih chunga rinawm taka hna kan thawh chuan kan hmalakna ah Pathianin mal min sawm anga, kan dingchhuak em em ang a ti a ni”.

Power-Tillers hi 31 subsidy a sem a ni a hetiangin:-
    a)     Shrachi Sifang         -     4 nos
    b)     Ganga Sifang         -     12 nos
    c)     Mitsubushi Shakti     -     6 nos
    d)     VST Shakti             -    3 nos
                Total        -    30 nos

Hemi ni vek chawhnu ah Agriculture Minister Pu H.Liansailova leh Pu Selthuama, NLUP Implementary Board Chairman te chuan Serchhip Oil Palms chingtute puala buatsaih training Serchhip Community Hall ah an hnampui nghal a ni.

Minister hi Agriculture Director Pu P.Bhatacharjee leh Officer pawimawh dangten an tawiawm a ni.