Pu S.Hiato, Minister of PHE etc. chuan vawiin zing dar 7 khan Tourist Lodge, Zotlang, Lunglei-ah a Department chan, PHE, Industry leh Tourism a thawktute inkawmna a neihpui. Thu sawiin Minister chuan tun sawrkar hi mipui siam sawrkar a nih avangin mipuiin beiseina sang tak a nei a, chuvangin mirethei te thleng phakin Mizoram mipui tan thawh a tum a ni a ti. Kan hma lawkah thal hmachhawn tur kan nih avangin PHE Deptt. chuan theihtawp kan chhuah tan a ngai a ni, a ti. Official ten Minister te ram leh mipui tana tha zawnga thurawn pe th in turin a ngen. Chhimbial leh Mizoram hmasawnna turin theihtawp chhuah tlang a hnathawk turin kalkhawmte a sawm bawk.
PHE Southern Circle hruaitute pawhin an hnathawh tawh, hmalak mek leh an hmalak tum zel dan pawh a tlangpuiin SE Southern Circle in charge in Minister hi a hrilh a ni. Chutiang bawkin Industry Department thawktute pawhin an hmalak mek leh lak an tum zel dan a tlangpuiin an hrilh.
Minister zahawm tak hi Pu H.Zothangliana, Parliamentary Secretary leh Pu Joseph Lalhimpuia, MLA ten an tawiawm a ni.
