No.920/2020-2020

Aizawl the 8th May, 2020: Vaivakawn atanga Bazar Bungkawn inkar kawng chu PHED hnathawh a nih dawn avanga lirthei tan kawng khar a nih tur chungchangah Sr. Superintendent of Police, Traffic: Aizawl chuan a hnuai a mi ang hian mipui hriattirna a chhuah:

Mizoram State Sorkar Notification No.B.12021/10/04-TRP Dt.22.8.2008 leh Section 115/117 MV Act 1988 in thuneihna min pek angin a hnuai ami ang hian lirthei tlan khapna thupek ka chhuah e.

PHED, Aizawl Water Distribution Division North ten Ni 10.5.2020 (Pathianni) hian Vaivakawn to Bazar Bungkawn inkar tui pipe leak thawm that hna an thawh dawn avangin helai kawngah hian lirthei engmah tlan phal a nilo. Tin, hnathawh tibuai thei turin kawngpui sirah hian lirthei leh bungrua engmah dah/park phal a ni lo.

He thupek hian chhiatrupna thil, kangmei Ieh emergency kaihhnawiha duty, dan leh thupek pawimawh bik a Police leh Magistrate duty te chet velna a huam lo ang.