No.921/2020-2020

Aizawl the 8th May, 2020: Vaivakawn atanga Chanmari West pan chhohna kawngpui tawntirh a Building pahnih thiah a nih dawn avanga lirthei tlan dan tur thlak danglam chungchangah Sr. Superintendent of Police, Traffic: Aizawl chuan a hnuai a mi ang hian mipui hriattirna a chhuah :

Mizoram State Sorkar Notification No.B.12021/10/04-TRP Dt.22.8.2008 leh Section 115&117 of MV Act 1988 in thuneihna min pek angin District Disaster Management Authority Aizawl District ten Vaivakawn atanga Chanmari West pan chhohna kawngpui tawntirh a Building pahnih an thiah dawn avangin ni 9.5.2020 (lnrinni) atanga Building thiah hna thawh zawh a nih hma chu nitin Zing dar 9:00 AM atanga Tlai Dar 4:30 PM chhung mipui him zawk nan a hnuai a mi ang hian Vaivakawn Hunthar Peng atanga Chanmari West a lirthei tlan dan tur thupek ka chhuah e.

1. Vaivakawn Hunthar Peng atangin Chanmari West lamah LMV leh Two Wheeler chho zawng chauh a tlan phal a ni.

2. Chanmari West atangin Chanmari West YMA Park / Thlanmual kaltlangin Hunthar Peng lamah emaw Vaivakawn lamah emaw a tIan theih ang. A kawng hi a chhuk ulh deuh avangin lirthei te fimkhur tak a tlan turin kan in ngen a ni. Chanmari West AMC road-ah hian Two Wheeler te chu chho zawng pawh a tlan phalsak an ni.

3. Vaivakawn Hunthar Peng atanga Chanmari West lam pan tur LMV te chu Central Road lamah tlan phal a ni lo.

He thupek hian chhiatrupna thil, kangmei leh emergency kaihhnawiha duty, Dan leh Thupek pawimawh bika Police leh Magistrate duty to chetvelna a huam lo ang.

A chung a tarlan kawng sirah te hian bungrua emaw lirthei dah/park phal a ni lo.