500/2023-2024

2023 Tomir thla ni 19: 11th Chakma Autonomous District Council (CADC) Inthlanpui, 2023 buatsaiha constituency dang ruala inthlan buatsaih theih lohna, 15-Rengkashya MDC Constituency-a polling station 3-a vote tlate chu tukin zing dar 8:00 khan Chawngte Sub-Divisional Officer (Civil) office complex-a counting hall ruahmanah chhiar a ni a. He biala candidate pathum zinga vote hmu sang ber, Indian National Congress (INC) candidate Pu Doymoy Daveng Chakma chu Returning Officer Pu David Lalthantluanga chuan tlingah puangin, thlan tlin a nih tihchianna certificate a hlan nghal a ni.

Rengkashya MDC Constituency-a polling station 3-ah hian May ni 17 khan vote thlak niin, vote nei zawng zawng mi 1,411 (mipa 752 leh hmeichhia 659) a?angin mi 1,314 (mipa 721 leh hmeichhia 593)-in electronic voting machine (EVM)-ah vote an thlak a. Mi 93.13%-in vote thlak ang an ni.

He biala vote hmu sang ber INC candidate Pu Doymoy Daveng Chakma chuan vote 713 a hmu a. MNF candidate Pu Prema Ranjan Chakma chuan vote 572 hmuin, BJP candidate Pu Sukrity Chakma chuan vote 26 a hmu a. NOTA-a vote tla 3 a awm bawk.

Heti hian CADC Inthlanpui, 2023 neih zawh takah CADC hnuaia constituency 20 awmah Mizo National Front (MNF) chuan seat la tam berin MDC seat 10 an la a. Bharatiya Janata Party (BJP) leh Indian National Congress (INC) te'n seat 5 ve ve an la thung a ni.

11th CADC Inthlanpui tluang taka buatsaih a nih theih nana tha thawhtu, inthlan buaipuitu official leh mawhphurhna pek zawng zawngte, political party leh NGO te leh inthlan hlawhtling tak a awm theih nana vote thlaktu mipui zawng zawng chungah Returning Officer Pu David Lalthantluanga chuan lawm thu a sawi a ni.