398/2023-2024

2023 Ṭomir thla ni 11: 11th Chakma Autonomous District Council (CADC) atana Member of District Council (MDC) Inthlanpuia vote tlate chu tukin zing dar 8:00 aṭang khan Chawngte Sub-Divisional Officer (Civil) office complex-a counting hall pahnihah chhiar a ni a. Returning Officer Pu David Lalthantluanga chuan MDC constituency 19-a vote hmu sang berte ṭheuh chu tlingah puangin, thlan tlin an nih tihchianna certificate a hlan nghal.

CADC hnuaia MDC bial 20 awm zinga bial 19-a polling station 67-ah May ni 9 khan he Inthlanpui atan hian vote thlak niin, vote nei zawng zawng mi 34,474 (mipa 17,455 leh hmeichhia 17,019) aṭanga mi 32,321 (mipa 16,462 leh hmeichhia 15,859)-in electronic voting machine (EVM)-ah vote thlakin, postal ballot hmanga vote thlak mi 103 an awm bawk a. Postal ballot nena belh khawm hian vote 32,424 tlain, 94.05%-in vote thlak ang an ni.

A pum puiah Mizo National Front (MNF) chuan seat la tam berin MDC seat 10 an la a. Bharatiya Janata Party (BJP) chuan seat 5 lain, Indian National Congress (INC) chuan seat 4 an la thung a ni.

11th CADC inthlanpuia MDC tlinga puante leh an chakna zat chu:

No. & Name of District Council Constituency

Name of Candidate

Party
 Affiliation

Votes obtained

Margin

1-Borapansury-I

Rasik Mohan Chakma

MNF

856

311

2-Borapansury-II

Sanjib Chakma

MNF

1,084

73

3-Chhotapansury

Supreme Raj Chakma

INC

472

19

4-Bajeisora

Molin Kumar Chakma

BJP

1,036

474

5-Kamalanagar North

Parimal Chakma

BJP

1,597

281

6–Kamalanagar South

Nirupam Chakma

BJP

814

232

7-Kamalanagar West

Sanjeev Chakma

MNF

530

50

8-Udalthana

Ajoy Kumar Chakma

MNF

1,032

244

9-Ugudasury South

Sundor Muni

MNF

817

42

10-Mondirasora

Amit Bayan Chakma

MNF

654

63

11-Ajasora

Santosh Chakma

BJP

1,046

591

12-Maniabapsora

Supan Chakma

INC

764

66

13-Vaseitlang

Kalasoga Chakma

MNF

762

120

14 Longpuighat

Ananta Bikash

INC

460

47

16-Damdep

Hiranand Tongchangya

MNF

958

216

17-Jaruldubasora

Lakkhan Chakma

MNF

669

69

18-Fultuli

Kali Kumar Tongchangya

MNF

648

34

19-Devasora South

Montu Chakma

BJP

665

77

20-Parva

Mohan

INC

715

54


11th CADC inthlanah hian inhnehna sang ber chu 11-Ajasora bialah niin, BJP ticket-a thlan tlin Pu Santosh Chakma chuan amah hnaih bertu MNF candidate Pu Subaranta Chakma chu vote 591-in a khum a. Vote inthlauhna hniam ber chu 3-Chhotapansury bialah niin, INC candidate Pu Supreme Raj Chakma chuan amah hnaih bertu ZPM candidate Pu Shanti Jiban Chakma chu vote 19-in a hneh ve thung. 11th CADC-ah hian 10th CADC-a MDC mi 16 chu an dinna bial ngaiah ṭheuh ding nawn lehin, mi 7 chu thlan nawn an ni a, mi thar (MDC ni lai ni lo) 12 an tling bawk.

Constituency dang ruala inthlan buatsaih theih lohna 15-Rengkashya bialah chuan May ni 17, 2023 khian vote thlak a ni dawn a. May ni 19, 2023 zing dar 8:00 aṭangin vote chhiar a ni ang.

11th CADC Inthlanpui tluang taka buatsaih a nih theih nana tha thawhtu, inthlan buaipuitu official leh mawhphurhna pek zawng zawngte, political party leh NGO te leh inthlan hlawhtling tak a awm theih nana vote thlaktu mipui zawng zawng chungah Returning Officer Pu David Lalthantluanga chuan lawm thu a sawi a ni.

Attachment

  • Loading attachment...