399/2023-2024

Dated Serchhip, the 11th May, 2023: Pu Vanlalnghenga, SP, Serchhip chuan hriattirna tichhuakin, MV Act 1988 Section 115 na leh Mizoram sawrkar Notification No. B. 12021/10/2004-TRP in thuneihna a pek angin heng a hnuaia hmun pahnihte hi No Parking Area ah a puang.

1. Pu F. Lalchhuanga In (Assam Type) tuna Laltlanmawia S/o Vanlalrova, Leisang veng Serchhip luah lai chin kawngchhak lam, VC in kawngpui an zauh PCC an chhun atanga teh a AOC Veng, Serchhip lam meter 48 a thui, P&E Veng Serchhip pan chhohna step thleng.

2. AOC Veng Serchhip atanga Chanmari Veng pan pheina kawngpui thlang lam, Kawnpui North VC Hall atanga teh a P&E pan chhohna kawng lam No Parking Area meter 16 ni sa chu meter 19 ah tihsei a ni a, tichuan meter 35 a thui a ni tawh ang.

Tin, Pu Vanlalnghenga hian AOC veng leh Bazar area a Hardware dawr neitu leh phurtuten an dawr bungraw phurhte chu zan dar 7:00 pm leh a tuk zing dar 8:00 am inkarah an unload thin tur a ni, tiin thupek a tichhuak a. Hun danga bungraw unload a khap a ni.

He thupek hian emergency thila duty, law & order duty leh chhiatna thlenga emergency duty te a huam lovang.