400/2023-2024

Champhai, the 11th May, 2023: India Meteorological Department, Ministry of Earth Sciences, Government of India-in ni 10.05.2023 Cyclone bulletin-a a tihchhuah angin, Bay of Bengal chhimchhak lama boruak pressure tlahniam nasa tak chuan Cyclone a siam mek a. Hei hian Mizoram pawh ni 13.05.2023-15.05.2023 chhung hian nghawng telin, thli na tak leh ruah thahnem tak sur tura ngaih a ni.

Cyclone thleng thut palh thei leh chhiatna thleng theite lakah Champhai District Disaster Management Authority Chief Executive Officer Pu M.Misael, Addl. DC Champhai chuan mipuite chiai mai lova fimkhur tur leh inkaihhruainate tha taka zawm turin a chah a. Hriattirna chhuahin inkaihhruaina zawm tur a tarlante chu hetiang hi a ni:

1. Mahni in leh lo te thli leh ruah a dawl theih nan a tul anga thawm that ngailaite thawm that tur a ni .Tui paihna leh tui luan kawrte mumal taka siam tur a ni

2. Thing leh Mau, thli in a len thluk mai theih leh, electric wire delh mai theite chu kih/a zar thlak tur a ni.

3. Ruah sur avanga leimin thei laite hriatchian a fimkhur ni se.

4. Tui hmun, lui leh ramhnuaiahte kal loh a tha.

5. Mahni in leh avelah leimin hlauhawm a awm a nih chuan silpaulin a khuh that tur a ni.

6. Thlipui leh ruah vanga eng (power supply) neih loh theih a nih avangin electric hmang thilte a charge lawk theih apiang charge lawk a tha. Rikrum thila mamawh tur torch light, emergency light, first aid kit, tui thianghlim leh eiturte lo inrin lawk a tha.

7. Tumah chiai loh tur a ni a, thuneitute thu chhuah uluk taka ngaihchana zawm tur a ni.

8. Thudik lo leh thu belh chian dawllo theh darh loh tur a ni. A lo theh darh an awm chuan, The Disaster Management Act, 2005 No.53 of 2005, Section-54 hnuaia hremna dan ziak angin District Magistrate-in an chungah action a la ang.

Heng bakah hian chhiatna a lo thlen thulha engtiklai pawha biakpawh zung zung theih tur Zonal Officer-te a hnuaia tarlan ang hian ruat an ni bawk.

1. Pi Lalhruaitluangi, BDO Champhai Zone -Champhai RD Block (Rural Area) Ph No- 9862614255

2. Pu K.Lalhlimpuia, BDO Khawbung Zone - Khawbung RD Block Ph No- 9612123192

3. Pu VL.Hruaimawia, DO, DM&R Champhai

Zone - Champhai Town

Ph No- 9862767718