Vawiin khan 11st Statistics Day leh Mamit District Profile, 2017 tlangzarhna Chhimveng YMA Hall Mamitah neih a ni a, Pu H.Lianzela Addl D.C Mamit chuan khuallian niin District Profile tlangzarhna a nei bawk. 

Vawiin Statistics Day hmanpuitu Pu H. Lianzela  Addl DC chuan Statistical tha leh dik hman a pawimawhzia sawiin Sorkar hmasawnna hmel hmu turte leh thutlukna dik leh tha siam tur chuan statistical dik leh rintlak a pawimawh a ni a ti. Tunlai kan ram hmasawnna mil zela kal tur chuan High quality Statistics a ngaia, chu mi nei tur chuan thawktute pawhin rilru an put a, ram hmasawnna tur leh thangthar lo la awm leh zel tur te tana Statistical Data felfai tak nei turin thawktute a chah a ni. 

He hun hi Pu Malsawma, District Research Officer , Mamit chuan a kaihruaia Pu Philip Rosiamliana Inspector of Statistics in kumin Statistics Day thupui Administrative Statistics tih hmangin thusawina a nei a, Statistics Day hman chhan Professor Prasanta Chandra Mahanolobis chanchin leh hman chhoh a nih dan sawifiahna a nei bawk. 

Pu H. Lianzela, Addl D.C Mamit chuan District Research Office, Economics & Statistics Department buatsaih Mamit District Profile 2017 chu Sorkar hnathawk leh mipui ten tangkai  taka an hman a tan a tlangzarh nghal a ni. 

He hunah hian Sorkar Department hrang hrang aiawhte, Mamit khawpui chhunga Registrar of Birth & Death te leh zirlai naupangte an tel a ni.

Attachment

  • Loading attachment...