Nimin khan Health & Family Welfare Department hnuaia Malaria lama thawktu Microscopist Association (MMA) te chuan Health Directorate Conference Hall-ah 12th General Conference an hmang a. Conference hmanpuitu leh Resource Person-a an hman Dr. K. Ropari, Jt. Director (Malaria) chuan Mizorama thihna tam tak thlentu malaria hrik pai thosi tih remna hna hi theihtawpa thawk tura chahin thisen exam leh damloten malaria an vei leh vei loh te rang taka finfiah zung zung hi thihna pumpelhna tur a ni, a ti a. Malaria hi ti rem thei lo mahila, malaria vanga thihna erawh awm tawh lo tura tang tlang turin a chah a ni.

He 12th General Conference-ah hian 2012-13 chhunga an hruaitu turte thlan a ni a, heng mite hi thlanchhuah an ni : 1. Pu Lalrema Chenkual, Aizawl ‘N’ Main Centre 2. Pu R. Lalrinthanga, Dte. of Health Services 3. Pu Khawvelthanga, Kulikawn Hospital 4. Pu Lalhruaia, Aizawl ‘W; Main Centre 5. Pi H. Lalsangzuali, Civil Hospital leh 6. Pi Lalmuanpuii, Civil Hospital.