1883/2026-2027

Aizawl, August ni 20, 2026: Sorkar laipuiin National Handloom Day lawm tura state tinte a beisei angin Mizoramah pawh pawl hrang hrangin Handloom Day pual programme an buatsaih a. Commerce, Industries, Geology & Mining Department (CIG&M) pawhin August ni 7 atang khan ni 14 chhung awh Mizo Handloom Conclave chu Millennium Centre Rooftop ah
buatsaihin vawiin khan khar a ni.

Exhibition chhung hian tlawhtu thahnem tak awmin ni 14 chhungin tlawhtu mi 75,000 awm angachhinchhiah a ni a. Hemi chhunga hralhchhuah zawng zawng zat chu cheng 130,00,000/- bawr vel a ni.

Sorkar laipuiin a ruahman angin kum 2015 atang khan kumtin August ni 7 chu National Handloom Day a hman thin a ni a. Mizoram pawh kumin hian a vawi 12 na lawmna neih a ni a. Commerce, Industries, Geology & Mining Department (CIG&M) in Mizo Handloom Conclave a buatsaih chu August ni 7, 2026 khan Minister Pu F.Rodingliana chuan khuallian niin a hawng a. Dr. H Lianzela, Secretary CIG&M chuan khual zahawm niin he hun hi a hmanpui bawk a ni.

Millennium Rooftop a Handloom exhibition-ah hian stall 60 buatsaih niin Mizoram hmun hrang hrang atangin puantahtu ten an thil siam chhuah an pho chhuak a. Kum dang a tih ngai loh kuminah hian hnam bil pual stall pathum (3) buatsaih a ni a. Chakma, Lai leh Mara District Council atangte in hnam thil hrang hrang an phochhuak bawk a ni.