Bharat Scouts & Guides 13th State Rally 2009 kharna inkhawm chu nimin khan STC, Tanhril-ah neih a ni a. He hun hi Sports & Youth Services Secretary Pu Nghaklianmawia chuan Khuallian niin a hmanpui.

Scouts & Guides kalkhawmte fuihna thu sawiin Pu Nghaklianmawia chuan nu leh pa thuawi te, Pathian thuawi te leh aia upa zah thiam a pawimawh zia a hrilh a. Tanpui ngaite chu kan tanpui zel tur a ni tiin mi kan tanpui chuan min theihnghilh tawh loh tur thu leh min lo theihnghilh a nih pawhin Pathian in a hriatreng tur thu a sawi.

He hun Pu R.Kapzauva, ASC (S), Deputy Camp Chief (Scout Wing) kaihhruaiah hian Pu Nghaklianmawia chuan Scouts & Guides titha zual te hnenah lawmman a sem a ni.