Nimin khan Mizoram Police Sports Meet vawi 13-na ni nga chhung awh 3rd Bn. MAP Ground, Mualpui neih chu Home Minister Pu R.Lalzirliana’n a khar.
Kharna inkhawm a Khuallian Pu R.Lalzirliana chuan thu sawiin, heng Sports Meet buatsaih hi thil awlsam a ni lova, sum leh tha a ngai hautak bawk a. Chuti chunga hlawhtling taka buatsaih a ni hi a lawmawm hle a. In unauna tha, thawh hona tha leh discipline tha kan neih phah ngei ka ringin ka beisei tlat a ni, a ti a. Ram mipuite thlamuang tak leh zalen taka venhi hi ka mawhphurhna a ni tih hrereng ila. Inthlahdah leh hlemhle chungin thawh theih a ni lova, dulkiar lutuk pawh hi kan in hmeh lo a ni a ti a. Venghimtu tur Police te hi kan hnawksak thiang lova, kan mipuite tan rintlak tak leh ngaihngamna tlak in kan awm tur a ni. Kumthar chho ah phei chuan mahni awmna tura ruatah awm ngei ngei tur kan ti dawn a. A tul huna chak leh rang zawka hna kan thawh theih nan Rapic Action Force Headquarters tinah din kan tum a ni, a ti bawk.
He Sports Meet ah hian Police Batallion hrang hrang leh Group a in thenin thuang 13-ah siam a inel a ni a, a pumpuiah Red Group pakhatna an ni a, PHQ Group pahnihna niin Northern Range pathumna an ni. Organising Chairman Pu Saizela’n he meet chungchanga report tlangpui leh lawmthu sawina a nei a, he Sports Meet ah hian infiammi an kal tha hle a ni.
He Sports Meet ah hian Police Batallion hrang hrang leh Group a in thenin thuang 13-ah siam a inel a ni a, a pumpuiah Red Group pakhatna an ni a, PHQ Group pahnihna niin Northern Range pathumna an ni. Organising Chairman Pu Saizela’n he meet chungchanga report tlangpui leh lawmthu sawina a nei a, he Sports Meet ah hian infiammi an kal tha hle a ni.
