Vawiin chawhnu khan  Pu Lalrinliana Sailo, Speaker, Mizoram Legislative Assembly chuan 15-Aizawl West(ST) Assembly Constituency By-Election a thlan tlin, Pu Zothantluanga chu rinawmna thu tiam tirin   Member of Legislative Assembly(MLA) ni turin a lalut a ni.

Pu Zothantluanga, MLA lakluh a nih hnu hian 8th Mizoram State Legislative Assembly-ah Mizo National Front chuan MLA pakhat neih belhin  avaiin MLA 27 an nei a ni.

MLA thar lakluhna inkhawm hi Speaker Office Chamber-ah neih niin Pu SR Zokhuma, Commissioner & Secretary, Assembly Secretariat chuan a kaihruai a. He hunah   hian Chief Minister Pu Zoramthanga, Health Minister Dr R.Lalthangliana, Home Minister Pu Lalchamliana, Agriculture Minister Pu C. Lalrinsanga, Er Lalrinawma, Deputy Speaker, School Education Minister Lalchhandama Ralte, Pu Lalrintluanga Sailo, Deputy Chief Whip,  MLA thenkat te leh lawmpuitute te an tel a ni.

Pu Zothantluanga (Valtea) hi thiamna lamah chuan Master of Arts( Sociology) degree nei a ni a. Lehkha a zir chhung hian  hmun hrang hrangah te a awm kual tawh a.  Kawrtethawveng leh Mamitah Primary School,  Dawrpui School a?angin Middlle, Khawbung High School leh KVM High School a?angin Pawl 10, Union Christian College, Barapani a?angin PU, St. Edmund's College, Shillong a?angin BA leh a hnuin NEHU, Shillong a?angin MA (Sociology) a zirchhuak a ni. A nu leh pa te chu Subedar Lalruata (L) leh Biakhnuni (L) te an ni a. Tunah hian A nupui Pi Lalbiakmawii nen fa 5 neiin Aizawl Zotlang Vengah an cheng mek a ni. Pu Zothantluanga (Valtea) hi Tlawmngai Pawl leh Khawtlang rawngbawlnaah te mi inhmang tak a ni a. Vengchhung YMA-ah te hruaitu nihna hrang hrang hun rei tak chhung lo chelh tawhin Village Council President leh Local Council Chairman te pawh  a lo ni tawh bawk a ni.